موضوع: درس الإطار المتقطع (درس مرررة سهل ) الأربعاء أبريل 09, 2008 10:56 am
هاااااااي كيفكم ؟؟؟ أخباركم ؟؟؟
هدي أول مشاركة لي بالمنتدى و أول موزوع
المهم حدخل بالموزع بدون مقدمات و لا مقبالات
الموزوع عبارة عن درس فتوشوب و هو طريقة عمل إطار متقطع للصورة الدرس مرررررررة سهل و حلو
نبدأ
أول تفتحون برنامج الفتوشوب و تختارون قائمة ملف و بعدين جديد
أو تضغطون CTRL + N إلي يريحكم
النتيجة وحدة و هي إنه حيفتح معاكم هذا البوكس إختاروا منه المقاسات الموضحة في الصورة
حتفتح معاكم مساحة عمل بهدا الحجم
(بعد كذه ألقو نظرة على بكوس الليرات (شفائف
و إذا كان مو موجود روحوا لقائمة إطارات و إضغطوا على كلمة شفائف
أكيد لا حضتوا إشارت القفل الصغير الموجودة قدام اللير عشان تاخذون راحتكم في العمل و تشتغلون بحرية كل إلي عليكم هو دبل كلك على اللير (الشفيفة) حيفتح معاكم هدا البوكس
إضغطوا على كلمة موافق و إنتهينا و حتلاحظون إن إشارة القفل راحت و صار شكل البوكس كاذ
نعم للحرية
دحين إلي عليكم إنك تكبروا مساحة العمل لإقصى درجة إما من هدا البوكس
كل إلي عليكم إنكم تحركون المثلث الصغير الماشر إليه بالسهم و إلي داخل الدائرة الفوشية إلى جهت اليمين بالنسبة ليدك أو اليسار بالنسبة للشاشة
يعني زي كذه تخلون شكل البوكس
إذا ما عجبتكم الطريقة أو ما ناسبتكم مو مشكلة لأنه في طريقة تانية
إختاروا هذي الأداة
شوفوا موقعها من قائمة الأدوات
كل إلي عليكم إنك تضغطون بها عدة ضغطات على الصورة إلى ما كتبر الصور بأقصى حجم
و يسير شكلها زي كدا
دحين إختاروا أداة الفرشاة و هدا شكلها
و هدا موقعها بالنسبة لقائمة الأدوات
دحين من قائمة الفرش رقم واحد في الصور يوضح محل القائمة و رقم 2 يوضح الأداة المطلوبة
بعد كذه و بإستخدام اداة الفرشاة المطلوبة نلون نصف مساحة العمل باللون الأسود و يسير شكلها زي كذه
بعد كذه من قائمة تحرير نختار تحديد الحشو
شوفوا الصورة للتوضيح
حيفتح معاكم هدا البوكس
بإمكانكم تحفضونه بالإسم الموجود أو تختارون إسم جديد إلي يريحكم و بعد كذه إضغطوا موافق
خلصنا خطوة مهمة بالدرس و تسهل الخطوة إلي بعدها لأنها تكرار لها مع إختلاف بسيط و بإمكانكم تقفلون الصور ( مساحة العمل ) لأأننا خلاص ما حنحتاجها
زائر زائر
موضوع: رد: درس الإطار المتقطع (درس مرررة سهل ) الأربعاء أبريل 09, 2008 10:57 am
دحين نروح من جديد لقائمة ملف و نختار جديد
أو تضغطون على
CTRL + N
حيفتح معاكم هدا البوكس من جديد بس حتعبونه بمقاسات مختلفة و هي الموضحة في الصورة
يعني خلو الإرتفاع 1 و العرض 6
و بعدين إضغطوا على موافق و حتفتح معاكم مساحة عمل جديدة بهذه الشكل
دحين لنا عودة مجددة مع بوكس الليرات (الشفائف) ألقوا نظرة على شكله
وزي ما سوينا أول حنضغط على كلمة موافق و يسير شكل البكوس كده
بعد كذه زي ما سوينا أول حنكبر مساحة العمل بأقصى حجم إما من خلال كذه البوكس
و عن طريق تحريك المثلث الصغير المشار إليه بالسهم في الصورة إلى يمين يدك و يسار الشاشة
شوفوا شكله قبل و بعد التحريك
أو عن طريق الضغط بهذه الأداة
عدة ضغطات إلى ان تسير مساحة العمل بأكبر حجم لها
بعد كذه نرجع من جدي لأداة الفرشاة و هذه شكلها
بعد كذه من قائمة الفرش الموضح مكانها في الصورة و المشار لها برقم 1 نختار أداة الفرشاة المشار لها بالرقم 2 يعني زي ما سوينا أول
بعد كذه زي ما سوينا أول نلون نصف مساحة العمل بالون الأسود و يسير شكلها كده
بعد كذه من قائمة تحرير زي ما سوينا أول نختار تحديد الحشو و الصور توضح أكثر
بعد كذه حيفتح معانا هذه البوكس
لكم الحرية إما إنك تحفضونه بالإسم الموجود أو تغيرونه على كيفكم
و بعد كذه تضغطون موافق
دحين تقدرون تقفلون مساحة العمل أنه خلاص ما حنحتاجها
و نكون خلصنا الخطوة الثانية
الخطوة الثالثة و الأخيرة
لنا عودة مع قامة ملف بس مو عشان نختار جديد عشان نختار فتح
أو تضغطون CTRL + O
إلي حيسير في كلا الحالتين إنه حيفتح معاكم هدا البوكس
إختاروا الصور إلي حابين تعملون لها الإيطار المتقطع من المحل إلي إنتم حافضينها فيه و إضغطوا فتح
حتفتح معاكم الصورة عادي بهذه الشكل
بعد كذه ألقوا نظرة على بكوس الليرات غالباً حيكون في إشارة قفل قدام لير الصورة
بهذه الشكل
حبين نتخلص منها في طريقتين الطرقة الأولى زي ما سوينا أول
حنضغط دبل كلك على اللير و يفتح معانا هذه البوكس
اختاروا موافق و إنتهينا
و حيسير شكل بوكس الليرات كذه
إذا حالولتوا تضغطوا على اللير و ما انفتح معكم البوكس
روحوا لقائمة صورة و إضغطوا على صيغة و بعدين إضغطوا على ألوان الشاشة إذا ضلت إشارة القفل موجودة
حيكون عليكم إنكم تسوا الطرقة الأولى مرة ثانية يعني تشلون إشارة القفل بالطريقتين
بعد كذه
اضغطوا على CTRL + T
لاحضوا المقابض الضغيرة على أجانب الصورة
إستخدموا و صغروا الصورة شوي يعني زي كذه
بعد كذه إختاروا هذي الأداة
شوفوا موقعها في قائمة الأدوات
إضغطوا عليها بزر الماوس اليمين
حيفتح معاكم هذه البوكس إختاروا منه أداة تحديد العامود الواحد
حطوا أداة التحديد على يسار الصور أو ممكن تبدؤون باليمين بس أنا بالدرس بدائت بيسار الصورة يمين يدي
شفوا الصورة للتوضيح أكثر
و على التحديد إضغطوا زر الماوس اليمين و إختاروا تعبئة
شوفوا الصورة
حيفتح معاكم هذه البوكس
بعد كذه
من عند كلمة تحديد حشو شخصي أضغطوا على الصور قدامها كما هو مشار بالسهم واحد بعدين حيفتح معاكم بكوس صغير شوفوا الحشو إلي سويناه بالخطوة الأولى
إضغطوا عليه
بعدين إضغطوا على موافق
سوا نفس الشي مع جهة اليمين بإستخدام أداة التحديد العودي حطوها على جهة اليمين و بعيدن زر الماوس اليمين بعدين تعبئة و إختاروا نفس الحشو إلي في الخطو الأولى و بعدين موافق
دحين نشتغل على الجهة العلوية و السفلية للصورة
حنروح لأداة التحديد المستطيل و نضغط بزر الماوس اليمين حيطلع لنا نفس البوكس الصغير إلى أول بس هذي المرة حنختارة أداة التحديد للصف الواحد
شوفوا الصورة
بعد كذه
حنحط التحديد على الجهة العلوية أو السفلية للصورة حسب الرغبة وبزر الماوس اليمين نختار تعبئة زي أول
و حيفتح معانا نفس البوكس حنضغط على الصورة إلى قدام كلمة حشو شخصي حيفتح معانا نفس البوكس إلى أول و نختار الحشو إلي سوينا في الخطوة الثانية و بعدين نضغط على موافق
شوفوا الصورة
و دحين نكرر نفس الخطوة مع الجهة الثانية يعني لو حطينا التحديد فوق نحطوا دحين تحت و إذا حطينا تحت نحطيه فوق و نكرر نفس الخطوات و لمن تخلصوا
إضغطوا على زر CTRL + D
عشان ينحذف التحديد
حتقلون لي في زوائد
مو مشكلة
لوجود اداة المحاية
إختاروها و إمسحوا الزايد من الجهات الأربعة
هذي النتيجة
و بكذه نكون خلصنا الدرس
أتمنى يكون في المنتدى محبين للفتوشوب يوروني تطبيقاتهم للدرس
just girl سلاموووووو
عدل سابقا من قبل just girl في الأربعاء أبريل 09, 2008 11:24 am عدل 2 مرات
زائر زائر
موضوع: رد: درس الإطار المتقطع (درس مرررة سهل ) الجمعة أبريل 18, 2008 1:21 pm
